21 yaşadək futbolçulardan ibarət millimizin üzvü Tuğrul Eratın çıxış etdiyi “Fortuna” U-23-ü səfərdə “Şalke 04”ün II komandası ilə qarşılaşıb. Apasport.az saytının məlumatına görə, Erat və U-21-dən dəvət almış digər oyunçumuz Ərən Taşkın Düsseldorf təmsilçisinin start heyətində meydana çıxıb.

Görüş qonaqların 4:2 hesablı qələbəsi ilə yekunlaşıb. Meydan sahibləri 1-ci dəqiqədə hesabı açsa da, milliləşdirilmiş türk futbolçuların sayəsində tarazlıq bərpa olunub. Belə ki, 24-cü dəqiqədə Eratın cinah ötürməsindən sonra Taşkın fərqlənib. Bu, onun cari mövsüm vurduğu 8-ci qol olub. Ərən 85-ci dəqiqədə ikinci sarı vərəqə alaraq meydandan qovulması ilə də yadda qalıb.

Qeyd edək ki, Ərən Taşkın apasport.az saytına verdiyi müsahibəsində AFFA-dan təklif aldığını təsdiqləyib. O, ötən ay Makedoniya ilə görüşdə zədəli olduğu üçün iştirak edə bilməmişdi.

• Deniz Güllə razılıq əldə olundu - RƏSMİ
• “Real” Kamavinqa üçün qiymət qoydu – 70 milyon avro
• Talişka “Fənərbaxça”dan ayrılır – “Onu alqışlarla yola salacağıq”
• Ritsu Doan Səudiyyə Ərəbistanına getmədi – 17 milyon avroluq transfer son anda baş tutmadı
• Günün canlı yayımlanacaq matçları - TV AFİŞA