Abdullah Zubir “Qarabağ”ın heyətində 25-ci qolu vurub.

Apasport.az saytının məlumatına görə, fransalı yarımmüdafiəçi yubiley qoluna Şotlandiyada imza atıb.

Onun Konfrans Liqasının pley-off mərhələsinin “Aberdin”lə səfərdəki cavab oyununda (3:1) vurduğu top 25-ci olub. 30 yaşlı legioner bu matçadək 24 dəfə fərqlənmişdi.

O, 25-ci qolunu 122-ci matçında vurub. Futbolçunun məhsuldarlığı 0,20-yə bərabərdir.

Zubir Premyer Liqada 18 (70 oyunda), avrokuboklarda 7 (42 oyunda) qola sevinib. 

Legioner qitə səhnəsində iki turnirdə fərqlənib. Avropa Liqasında 5 qolu olan Zubir Konfrans Liqasında 2 dəfə rəqib qapısına yol tapıb.

Maraqlıdır ki, yarımmüdafiəçi hələ də Azərbaycan kubokunda fərqlənməyib. Abdullah bu yarışda 10 dəfə meydana çıxıb.
 

• Ritsu Doan Səudiyyə Ərəbistanına getmədi – 17 milyon avroluq transfer son anda baş tutmadı
• Günün canlı yayımlanacaq matçları - TV AFİŞA
• DÇ-2026-nın qalmaqallı futbolçusu “Everton”da – 50 milyonluq transfer
• “Fənər”də ayrılıq - Dieqo Karlos İtaliya klubunda
• Bir dövrün sonu - MESSİ MİLLİDƏKİ KARYERASINI BAŞA VURDU