30 milyona aldı, 2 milyona satır

08.07.2020 - 15:19

Dortmund “Borussiya”sı futbolçusu Andre Şurrleni satmağa qərar verib.

Apasport.az saytının məlumatına görə, Almaniya klubu 29 yaşlı yarımmüdafiəçinin transferi üçün cəmi 2 milyon avro istəyir.

Bu da onunla bağlıdır ki, klub rəhbərliyi yüksək ödənişli oyunçulardan qurtulmaqla maaş xərclərini azaltmaq niyyətindədir. Andre isə ildə 7 milyon avro qazanır.

Mövsümün əvvəlində icarə əsasında Moskva “Spartak”ında çıxış edən futbolçu koronavirus pandemiyasına görə yaranan fasilə dövründə “Borussiya”ya qayıdıb. Onun müqaviləsi 2021-ci ilin yayında başa çatacaq.

Qeyd edək ki, Şurrle 2016-cı ildə “Volfsburq”dan 30 milyon avroya transfer olunub.