Futbol istedadı bəzən nəsildən-nəsilə ötürülür.
Apasport.az saytının məlumatına görə, dünya futbolunda saysız-hesabsız ata-oğul oyunçuları olub.
Argentinada isə bəzi hallarda atadan sonra oğul da milli komandanın formasını geyinməyə müvəffəq olub. Bu yazıda həmin şəxsləri qeyd edəcəyik:
Aleksis Makallister - Karlos Makallister
“Brayton”un formasını geyinən 22 yaşlı Aleksis Argentina millisinin heyətində hələlik cəmi 2 oyun keçirib. Atası Karlos Makallister isə 1993-cü ildə yığmada 3 matç keçirib.
Dieqo Perotti - Uqo Perotti
“Fənərbaxça”da çıxış edən Dieqo Perotti “tanqoçular”da 5 oyun keçirib. Atası Uqo Perotti isə 1979-cu ildə Bolqarıstan və İrlandiya ilə qarşılaşmaların iştirakçısı olub.
Santyaqo Solari - Eduardo Solari
Vaxtilə “Real”dakı çıxışı ilə tanınan Santyaqo Solari 6 dəfə Argentina yığmasının formasını geyinib. Onun atası Eduardo Solari də 1975-ci ildə əsas milliyə yüksəlməyə nail olub.
Visente de la Mata - Visente de la Mata
Həm atann, həm də oğulun adı eynidir. Visente de la Mata 3 dəfə (1937, 1945, 1946) Amerika Kubokunu qazanıbsa, oğlu titulsuz qalıb.
Xuan Sebastian Veron - Xuan Ramon Veron
Əfsanəvi Xuan Sebastian Veron Argentina millisinin heyətində 75 oyuna çıxıb, 10 qola imza atıb. Ancaq atası Xuan Ramon Veron cəmi 4 görüşlə kifayətlənməli olub.
Covanni Simeone - Dieqo Simeone
25 yaşlı hücumçu Covanni Simeone yığmada 5 matçın iştirakçısı olub. Hazırda “Atletiko”nun baş məşqçisi vəzifəsində çalışan atası Dieqo Simeone isə millidə 108 oyunda çıxış edib, 11 dəfə fərqlənib.
Oxşar xəbərlər
Ana səhifə
Bütün xəbərlər
Hesabım