2022/23 mövsümündə Premyer Liqada iştirakı planlaşdırılan “Turan Tovuz” bununla bağlı çalışmalarını davam etdirir.

Apasport.az saytının əldə etdiyi məlumata görə, bölgə təmsilçisi yayda futbolçu və məşqçi heyətində dəyişiklik edəcək.

Elvin Məmmədov, Vurğun Hüseynov kimi Premyer Liqada çıxış edən təcrübəli tovuzlulara göz dikən klub baş məşqçi axtarışını da sürətləndirib. “Turan Tovuz”u çalışdırmağa namizədlər sırasına hazırda “Səbail”ə rəhbərlik edən Aftandil Hacıyev də əlavə olunub.

Ciddi maliyyə problemi yaşayan paytaxt klubunda vəziyyət heç də ürəkaçan deyil və Hacıyevin yayda oranı tərk etməsi gözlənilir. Həm “Səbail”, həm də “Turan Tovuz” AFFA tərəfindən idarə olunduğundan, Hacıyevin birindən digərinə keçməsi üçün bir zəng yetər. Ancaq bunun üçün ilk növbədə assosiasiya “Turan Tovuz”u elitaya buraxmalıdır.

Qeyd edək ki, Tovuz futbolu sonuncu dəfə Premyer Liqada 2012/13 mövsümündə artıq tarixin yaddaşına köçmüş “Turan”la təmsil olunub.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu