İngiltərə Premyer Liqasının XXII turunda “Şeffild Yunayted”in qonağı olan “Vest Bromviç” 1:2 hesabı ilə uduzub.

Apasport.az saytının məlumatına görə, bu qarşılaşmada qonaqların qapıçısı Sem Conston Premyer Liqa tarixinə düşüb.

Cari mövsüm çempionatda 21-ci matçına çıxan 28 yaşlı qolkiperin buraxdığı qol sayı 50-yə çatıb. O, “Barnsli”nin sabiq qapıçısı Devid Uotsona məxsus ən qısa müddətdə 50 qol buraxmaq antirekordunu təkrarlayıb. Uotson 1997/98 mövsümündə bu göstəriciyə imza atıb.

Conston cari mövsüm yalnız bir dəfə – X turda “Şeffild Yunayted”lə ev görüşündə (1:0) qapısını toxunulmaz saxlamağı bacarıb.

Qeyd edək ki, 22 oyunda 12 xal toplayan “Vest Bromviç” 19-cu pillədə qərarlaşıb.

• UEFA “Fənərbaxça”ya qarşı hərəkətə keçdi – İki futbolçu ilə bağlı intizam işi açıldı
• Unahi “Panatinaikos”da: Ulduz futbolçu geri qayıtdı
• “Beşiktaş”dan müdafiəyə transfer – Ümit Akdağla 4 illik müqavilə
• “Trabzonspor” yeni transferini açıqladı
• “Qalatasaray” Viktor Nelsonla yollarını ayırdı - RƏSMİ