Klublararası dünya çempionatının yeni formatı Avropa nəhənglərinin ürəyincə olmayıb.

Apasport.az saytının məlumatına görə, qitənin top komandaları FİFA-ya yeni model təklif ediblər.

Avropanın 4 böyük klubu – “Barselona”, “Ayaks”, “Liverpul” və Dortmund “Borussiya”sı nəhənglərin adından çıxış edərək öz şərtlərini irəli sürüblər. Onlar dünya çempionatında “Könhə qitə”ni 8 deyil, 12 klubun təmsil etməsini istəyir.

Bundan başqa, FİFA son 4 ildə Çempionlar Liqası və Avropa Liqasını qazanan komandaları dünya çempionatında görmək istəyirsə, klublar bunun əleyhinədir. Nəhənglər hansısa komandanın təsadüfən bir dəfə kubok qazanmaq sayəsində mundiala qatılmasını istəmirlər.

Onlar təklif edir ki, UEFA reytinqinin ən yüksək pillələrində qərarlaşan klublar dünya çempionatına vəsiqə qazanıb. Bu, o qədər də yaxşı səviyyədə olmayanların yarışa təsadüfi çıxmasının qarşısını almalıdır.

Qeyd edək ki, 2021-ci ildən Konfederasiyalar kubokunun əvəzinə yay aylarında klublararası dünya çempionatı keçiriləcək. Mundialın iştirakçı sayı 7-dən 24-ə artırılacaq. Avropaya 8, Cənubi Amerikaya 6, Afrika, Asiya, KONKAKAF-ın hərəsinə 3, Okeaniyaya 1 yer veriləcək.

• “Qalatasaray” 30 milyon avroluq transferi niyə baş tutmayıb?
• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı