Avrokubokların 2021/22 mövsümünün klub bölgüsü bəlli olub.

Apasport.az saytının məlumatına görə, bu, 2019/20 mövsümünün başa çatmasından sonra formalaşan UEFA reytinqinin yekun cədvəlinə əsasən mümkün olub.

Yalnız bir komandası avrokuboklarda təmsil olunan Lixtenşteyn istisna olmaqla, digər 54 ölkənin klubları bu reytinqə görə hansı turnirdə və hansı mərhələdən mübarizəyə başlayacağını bilib. 

Çempionlar Liqasının iştirakçıları yarışa ilkin, I, II, III təsnifat, pley-off və qrup mərhələsindən qoşulacaq. Azərbaycan çempionu son illərdə olduğu kimi, yenə I təsnifat mərhələsindən başlayacaq.

Avropa Liqası isə yenilənmiş formatda təşkil olunacaq. III təsnifat mərhələsindən başlayacaq turnirdə əsasən Çempionlar Liqasında uduzanlar və yüksək reytinqli ölkələrin komandaları oynayacaq. Azərbaycan bu yarışa qatılmayacaq. Bu isə o deməkdir ki, üç gün sonra turnirə qatılacaq “Neftçi”, “Keşlə” və “Sumqayıt” mübarizəyə Avropa Liqasından qatılan son təmsilçilərimizdir. Bundan sonra ya çempionumuz uduzub bura düşməli, ya da inandırıcı olmayan variantlar gerçəkləşməlidir. Yəni ya təmsilçilərimizdən biri Konfrans Liqasında qalib olaraq növbəti il Avropa Liqasında oynamaq hüququ qazanmalı, ya da reytinqdə ilk 15 ölkə sırasına yüksəlməliyik.

Çünki daha aşağı pillələrdə qərarlaşan ölkələr yeni yaradılan Konfrans Liqasında mübarizə aparacaq. Çempionlar Liqası və Avropa Liqasında uduzanlar da bura yuvarlanacaq.

Azərbaycan UEFA reytinqində 26-cı olduğundan hər üç komandası II təsnifat mərhələsindən yarışa başlayacaq. Rusiya, Türkiyə, Belçika, Niderland kimi ölkələrin 4-cü yer sahibi, həmçinin Portuqaliyanın 5-cisi də bu turnirdə və eyni mərhələdən yarışa başlayacaq. Digər iki turnirdən fərqli Konfrans Liqasında birbaşa qrupa yüksələn olmayacaq. Bura Avropa Liqasında uduzanlar və pley-offda qalib gələnlər yüksələcək.
 

İ – ilkin mərhələ, I – I təsnifat mərhələsi, II – II təsnifat mərhələsi, III – III təsnifat mərhələsi, P – pley-off, Q – qrup.

1 – çempion, 2 – 2-ci yerin sahibi, 3 – 3-cü yerin sahibi, 4 – 4-cü yerin sahibi, 5 – 5-ci yerin sahibi, 6 – 6-cı yerin sahibi, K – kubokun qalibi.

• “Qalatasaray” zədəli futbolçuları ilə bağlı açıqlama yayıb
• Acunun komandasında yeni müqavilə - RƏSMİ
• “Fənərbaxça” - “Beşiktaş” matçı bu kanalda - TV AFİŞA
• La Liqa: “Real” “Betis” səfərindən xalsız qayıdır
• PSJ-də müqavilə yağışı