DÇ-2022-nin seçmə mərhələsində Azərbaycan millisi ilə eyni qrupda yer alan Portuqaliya yığmasının sentyabrda keçirəcəyi oyunlarının proqramı müəyyənləşib.

Apasport.az saytının məlumatına görə, Kriştiano Ronaldonun kapitanı olduğu komandanın Bakıya gələcəyi tarix də bəllidir.

Sentyabrın 1-də “Alqarve” stadionunda İrlandiyanı qəbul edəcək Fernado Santosun yetirmələri üç gün sonra Macarıstanın Debretsen şəhərində Qətərlə yoldaşlıq görüşündə üz-üzə gələcək. Komanda sentyabrın 6-da isə Bakıya gələcək və millimizdə qarşılaşma üçün son məşqinə çıxacaq. Ertəsi gün Canni de Byazinin yetirmələri Bakı Olimpiya Stadionunda güclü rəqibini qonaq edəcək.

Qeyd edək ki, yığmamız Portuqaliya ilə oyuna qədər sentyabrın 1-də Lüksemburqun, 4-də isə İrlandiyanın qonağı olacaq.

• “Real” Kamavinqa üçün qiymət qoydu – 70 milyon avro
• Talişka “Fənərbaxça”dan ayrılır – “Onu alqışlarla yola salacağıq”
• Ritsu Doan Səudiyyə Ərəbistanına getmədi – 17 milyon avroluq transfer son anda baş tutmadı
• Günün canlı yayımlanacaq matçları - TV AFİŞA
• DÇ-2026-nın qalmaqallı futbolçusu “Everton”da – 50 milyonluq transfer