Niderland çempionatının “Vitess” – “Sparta” oyunu yarımçıq dayandırılıb.

Apasport.az saytının məlumatına görə, buna meydan sahiblərinin azarkeşinin meydana girməsi səbəb olub.

Hadisə XXV turun qarşılaşmasının sonlarında baş verib. Fanat rəqib qapıçısı Madyk Okoyeyə hücum çəkib və dərhal tribunaya qayıdıb. Qolkiperə plastik su qabı atıldıqdan sonra stadionda iğtişaş başlayıb. Hakim görüşü dayandırmaq məcburiyyətində qalıb. Həmin an “Sparta” 1:0 hesabı ilə öndə olub.

Matçın taleyinə İntizam Komitəsi aydınlıq gətirəcək. Görüşün oynanılmayan hissəsinin, yoxsa bütün matçın yenidən keçiriləcəyi qurumun qərarından asılı olacaq.
 

• "Siti"dən 100 milyonluq transfer
• “Roma”da Ostervolde narahatlığı – İlk tibbi müayinədən keçə bilmədi
• Fransa millisinin üzvü "Fənərbaxça"nın radarında
• "Yuventus"un qolkiperi B Seriyasında
• Polşa millisinin üzvü “Yuventus”da