Çempionlar Liqası rekordunu yenilədi – “Real”
15.04.2021 - 09:09
Çempionlar Liqasının 1/4 final mərhələsinin cavab oyununda “Real” səfərdə “Liverpul”la qolsuz bərabərə qalıb.
Apasport.az saytının məlumatına görə, “kral klubu” ilk görüşdəki 3:1 hesablı qələbə sayəsində yarımfinala adlayıb.
Madrid təmsilçisi tarixində 14-cü dəfə turnirin yarımfinalına qədər irəliləyib ki, bununla öz rekordunu yaxşılaşdırıb. Onun ən yaxın izləyicisi 12 dəfə bunu bacaran “Barselona” ilə “Bavariya”dır.
Zinəddin Zidanın yetirmələri bununla həm də 2017/18 mövsümündən sonra ilk dəfə yarımfinal iştirakçısı olub. Komanda Kriştianu Ronaldonun gedişindən bəri bunu həyata keçirə bilməmişdi.
Qeyd edək ki, “Real”ın final yolundakı rəqibi “Çelsi” olacaq.
Oxşar xəbərlər
Ana səhifə
Bütün xəbərlər