De Byazi nəyi bəyənib? – namizədlərində

24.08.2021 - 16:21

Azərbaycan millisi sabah yoxlama xarakterli təlim-məşq toplanışına başlayacaq.

Apasport.az saytının məlumatına görə, üç gün ərzində 20 futbolçu hazırlıq keçəcək.

Baş məşqçi Canni de Byazi Konfrans Liqasında mübarizə aparan “Neftçi” və “Qarabağ”ın futbolçularının xidmətindən məhrumdur. Ölkə xaricində çıxış edən oyunçular isə FİFA qaydalarına uyğun şəkildə - rəsmi matçdan 4 gün əvvəl komandaya qoşula biləcək.

15-ə yaxın aparıcı futbolçunun yoxluğunda de Byazi Premyer Liqanın ilk iki turunu izləyərək 20 nəfərə dəvət göndərib. Onların ilk turlarda nə ilə diqqət çəkməsi maraqlıdır.

Çempionatın lideri “Sumqayıt” 7 futbolçu ilə toplanışda təmsil olunacaq. Bu komanda istənilən yerdə qərarlaşanda belə de Byazinin fikri dəyişmir və sumqayıtlılar yalnız “Qarabağ” üzvlərindən az olur.

Altı klubun hamısından (avrokubokda oynayanlarsız) futbolçu çağıran italiyalı autsayderləri də unutmayıb. Son pillədəki “Sabah” 4, “Keşlə” 3 üzvünü toplanışa göndərəcək. Autsayderin yalnız “Sumqayıt”dan geri qalması da diqqət çəkir. Görünür qola və xala həsrət komanda de Byazinin ürəyini oxşayan oyun sərgiləyib.

Ayrı-ayrı futbolçulara gəlincə, ilk turu buraxan Elvin Bədəlovdan başqa bütün oyunçular 2 matça çıxıb. Onlardan səkkizi hər iki görüşü əvəzolunmadan keçirib.

Milli üzvləri 5 qol vurub, 8 sarı, 1 qırmızı vərəqə alıb. Ən ağır cəza Şəhriyar Əliyevin payına düşür. Qapıçı Mehdi Cənnətov startda üç qol buraxıbsa, həmkarı Aydın Bayramov qapısını toxunulmaz saxlayıb.

Aydın Bayramov	Sumqayıt	5 dəq	90 dəq
Əli Qurbani	Sumqayıt	90 dəq	90 dəq, 1 qol
Elvin Bədəlov	Sumqayıt	-	90 dəq
Hoccət Haqqverdi	Sumqayıt	90 dəq, 1 sarı	90 dəq
Murad Xaçayev	Sumqayıt	(30) dəq	68 dəq
Rəhim Sadıxov	Sumqayıt	90 dəq, 2 qol, 1 sarı	83 dəq
Vüqar Mustafayev	Sumqayıt	90 dəq, 1 sarı	90 dəq
Rövlan Muradov	Qəbələ	90 dəq	82 dəq
Ülvi İsgəndərov	Qəbələ	(30) dəq, 1 qol	(8) dəq
Turan Manafov	Səbail	90 dəq	85 dəq
Mehdi Cənnətov	Zirə	90 dəq, -1 qol	90 dəq, -2 qol
Sərtan Taşkın	Zirə	90 dəq, 1 sarı	90 dəq
Təmkin Xəlilzadə	Zirə	90 dəq, 1 qol/pen	90 dəq
Azər Salahlı	Keşlə	90 dəq	90 dəq, 1 sarı
Rəhman Hacıyev	Keşlə	90 dəq	62 dəq
Şəhriyar Əliyev	Keşlə	90 dəq	89 dəq, 1 sarı, 1 qırmızı
Elvin Camalov	Sabah	90 dəq	90 dəq
Bəxtiyar Həsənalızadə	Sabah	90 dəq	90 dəq, 1 sarı
Amin Seydiyev	Sabah	(62) dəq, 1 sarı	90 dəq, 1 sarı
Coşqun Diniyev	Sabah	64 dəq	71 dəq