Kubokda vahid bombardir – almaniyalı legioner hamıdan öndə

02.02.2022 - 12:39

Azərbaycan kubokunun bombardirlər siyahısında dəyişiklik olub.

Apasport.az saytının məlumatına görə, “Sabah”ın futbolçusu Coy-Lens Mikels vahid liderliyi ələ alıb.

29 yaşlı almaniyalı yarımmüdafiəçi turnirdəki qol sayını 3-ə çatdırıb. Mikels 1/4 finalın “Neftçi” ilə səfərdəki ilk görüşündə fərqlənib – 1:1.

1/8 finalın “Kəpəz”lə matçında (3:0) dubl müəllifi olan legioner kubokun bombardirliyinə yüksəlib. O, özü kimi 2 qol vuran Mirsahib Abbasovu arxada qoyub. “Səbail”in futbolçusu bu gün “Zirə” ilə görüşdə qol sayını artıra bilər.

Qeyd edək ki, kubokda qol sevinci yaşayan digər oyunçular hərəyə 1 dəfə fərqlənib.