İspaniyanın “Barselona” klubunun futbolçusu İvan Rakitiç keçmiş komandası “Sevilya”ya qayıtmağa hazırlaşır.

Apasport.az saytının məlumatına görə, xorvatiyalı yarımmüdafiəçinin La Liqa təmsilçisi ilə danışıqları uğurlu yekunlaşıb.

Kataloniya klubunun transferə çıxardığı 32 yaşlı oyunçu “Sevilya” ilə 3 və ya 4 illik müqavilə bağlayacaq. O, hətta “Barselona”dakı maaşının 50 faizindən azına da razılıq verib. “Barsa”da illik məvacibi 8 milyon avro olan Rakitiçin “Sevilya”dakı qazancı 3,7 milyon avro təşkil edəcək. İndi yalnız klublar arasında razılığın əldə olunması qalıb.

Qeyd edək ki, İvan Rakitiç 2011-2014-cü illərdə “Sevilya”nın formasını geyinib. Onun “Barselona” ilə müqavilə müddəti 2021-ci ilin yayına qədərdir.

• “Qalatasaray” zədəli futbolçuları ilə bağlı açıqlama yayıb
• Acunun komandasında yeni müqavilə - RƏSMİ
• “Fənərbaxça” - “Beşiktaş” matçı bu kanalda - TV AFİŞA
• La Liqa: “Real” “Betis” səfərindən xalsız qayıdır
• PSJ-də müqavilə yağışı