Azərbaycan millisinin futbolçusu Mahir Emreli Polşanın “Legiya” klubunda növbəti oyununu keçirib.

Apasport.az saytının məlumatına görə, 24 yaşlı hücumçu Avropa Liqasının pley-off mərhələsinin cavab matçının iştirakçısı olub.

O, Çexiya “Slaviya”sı ilə ev qarşılaşmasına start heyətində başlayıb. Səfərdəki oyunda (2:2) komandasının ilk qoluna imza atan Mahir bu dəfə də fərqlənib.

Hesabi ilk yarının sonlarında Çexiya təmsilçisi açıb. Hücumçumuz 59-cu dəqiqədə hesabda tarazlıq yaradıb. 11 dəqiqə sonra Emreli dublunu rəsmiləşdirərək komandasını hesabda önə çıxarıb. O, görüşün 80-ci dəqiqəsində əvəzlənib.

Bu qələbə “Legiya”nı Avropa Liqasının qrup mərhələsinə daşıyıb. “Slaviya” isə Konfrans Liqasının qrupunda mübarizə aparacaq.

Qeyd edək ki, qrup mərhələsinin püşkü sabah atılacaq.

• Ritsu Doan Səudiyyə Ərəbistanına getmədi – 17 milyon avroluq transfer son anda baş tutmadı
• Günün canlı yayımlanacaq matçları - TV AFİŞA
• DÇ-2026-nın qalmaqallı futbolçusu “Everton”da – 50 milyonluq transfer
• “Fənər”də ayrılıq - Dieqo Karlos İtaliya klubunda
• Bir dövrün sonu - MESSİ MİLLİDƏKİ KARYERASINI BAŞA VURDU