“Çempionlar Liqasına vəsiqə qazanmasaq, uğursuzluq olar. Amma hələ də şans var”.

Apasport.az saytının məlumatına görə, bunu “Liverpul”un baş məşqçisi Yurgen Klopp deyib.

Almaniyalı mütəxəssis transfer siyasətinə də toxunub. O, Kilian Mbappe, Erlinq Haland, Ceydon Sanço kimi futbolçuların keçidinə inanmadığını söyləyib: “Yay “transfer bazarı” çox qəribə olacaq. Böyük pul qarşılığında keçidlər, Mbappe, Haland, Sanço kimi oyunçuların transferləri haqda çox şey eşidirəm. Düşünürəm ki, onların transferi bu yay baş tutmayacaq. Futbol dünyası əvvəlki kimi deyil. Bizim üçün zədəlilərin qayıtması ilk transferlərimiz olacaq və onlar komandanı gücləndirəcəklər”.

Qeyd edək ki, “Liverpul” hazırda Premyer Liqada 6-cı pillədə qərarlaşıb.

• "Fənərbaxça" 15 milyona transfer etdiyi futbolçunu göndərir
• Flik almaniyalı futbolçunu heyətində görmək istəyir
• Xviçanın yeni müqaviləsinin detalları bəlli olub
• “İnter”in yeni transfer hədəfi
• Mehmet Topal istefaya göndərilib