Qələbəni son anda əldən verdi - İsrafilovun komandası

21.06.2020 - 23:33

İspaniya La Liqa2-də XXXIV turun oyunları davam edir.

Apasport.az saytının məlumatına görə, Azərbaycan millisinin futbolçusu Eddi İsrafilovun komandası "Albasete" ev matçına çıxıb.

Komanda 4-cü pillədə qərarlaşan "Hueska"nı qəbul edib. Autsayderlər zonasından uzaqlaşmağa çalışan "Albasete" güclü rəqibi üzərində qələbəni son anda əldən verib. Eddinin komandası hər hissədə bir qol vuraraq 2 top fərqi ilə önə keçsə də, son 10 dəqiqədə qonaqlar hesabı bərabərləşdirməyə müvəffəq olublar - 2:2. Start heyətində meydana daxil olan yığmamızın üzvü 90 dəqiqəni əvəz edilmədən keçirib.

Bu nəticədən sonra xallarının sayını 39-a çatdıran "Albasete" turnir cədvəlində 16-cı pilləyə yüksəlib.