“Gələcəyimlə bağlı qərar verən mənəm. Daha çox oynamaq istəsəm, bunu edəcəyəm”.

Apasport.az saytının məlumatına görə, bunu Kriştiano Ronaldo kapitanı olduğu Portuqaliya millisində qalıb-qalmayacağına münasibət bildirərkən deyib.

Hələ ki, bu barədə düşünməyən 37 yaşlı forvard DÇ-2022-nin pley-off mərhələsinin finalında Şimali Makedoniya ilə keçirəcəkləri matça hazır olduqlarını söyləyib: “Bu, finaldır və komanda olaraq hazırıq. Biz favoritik? Mən həmişə özümü evdə də, səfərdə də favorit hesab edirəm. Artıq bilirik ki, qalib gəlsək dünya çempionatına gedəcəyik, uduzsaq yarışdan kənarda qalacağıq. Pozitiv düşünürük, yeganə hədəfimiz qalib gəlməkdir”.

Portuqaliya – Şimali Makedoniya oyunu sabah keçiriləcək. Portuqaliya Qətərdəki mundiala yollansa, Ronaldo 5-ci dəfə dünya çempionatına qatılacaq və bu göstəriciyə görə Canluici Buffon, Antonio Karbayal, Rafael Markes və Lotar Mateusa çatacaq.

Qeyd edək ki, dünya çempionatı noyabrın 21-dən dekabrın 18-dək Qətərdə keçiriləcək.
 

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu