Yunanıstan klubu PAOK-a texniki məğlubiyyətin verilməsi gözlənilir.
Apasport.az saytının məlumatına görə, buna səbəb Super Liqanın XXXV turunda AEK-lə keçirilən qarşılaşmada Saloniki təmsilçisinin 12 oyunçunun tibbi kartının müddətinin başa çatmasıdır.
0:0 hesabı ilə nəticələnən görüşdən sonra ehtiyat hakim bu məsələni protokolda qeyd edib. Yunanıstan çempionatının qaydalarına əsasən, PAOK-a texniki məğlubiyyət veriləcək. Təbii ki, AEK 48 saat ərzində rəsmi etiraz edərsə. Belə olarsa, PAOK-la xalları bərabərləşərək AEK ikinci pilləyə yüksələcək və sona 1 tur qalmış Çempionlar Liqasına vəsiqə şansını artıracaq. PAOK klubunun idarə heyətində artıq bir neçə istefanın olduğu bildirilir.
Qeyd edək ki, Yunanıstan Super Liqasının lideri "Olimpiakos" çempionluğunu çoxdan rəsmiləşdirib.
Oxşar xəbərlər
Ana səhifə
Bütün xəbərlər