UEFA-nın “Məktəblərdə futbol dərsi” layihəsi daha 4 il müddətinə uzadılıb.

APA-nın məlumatına görə, bu barədə qərar UEFA-nın İcraiyyə Komitəsinin Sloveniyanın paytaxtı Lyublyanada keçirilən iclasında verilib.

Qərara əsasən məktəblilər arasında futbolun kütləviləşdirilməsinə xidmət edən layihə 2020-24-cü illərdə də gerçəkləşəcək. Bu dəfə UEFA-nın bütün üzvləri buna qoşulacaq.

2017-ci ildə start verilən və yalnız 6 ölkədə - Azərbaycan, Albaniya, Gürcüstan, Şimali Makedoniya, Şimali İrlandiya və Rusiyada pilot layihə kimi keçirilən “Məktəblərdə futbol” artıq bütün Avropanı əhatə edəcək.

UEFA bu layihə üçün 11 milyon avro ayırıb. Quruma üzv olan 55 assosiasiya, o cümlədən AFFA 4 il ərzində hər il 50 min avroya qədər vəsait alacaq. Bu yardım “het-trik” layihəsi ilə gerçəkləşəcək.

• Premyer Liqada ayın ən yaxşısı: Sergey Yakiroviç
• İngiltərə millisinin üzvü daha 5 il “Nyukasl”da
• İsmail Kartal məşqə çıxmadı - YENİLƏNİB
• “Çelsi”də idarəçilik dəyişir - Todd Bouli payını satır
• Vlahoviçin cəzası bəlli oldu