İtaliyanın “Atalanta” klubu Çempionlar Liqasında ev oyunlarını öz stadionunda keçirə biləcək.
 
Apasport.az saytının məlumatına görə, A seriyası təmsilçisinin bununla bağlı müraciəti UEFA tərəfindən müsbət cavablandırılıb.
 
Əvvəllər rəqiblərini “Sassuolo”ya məxsus “Recio-Emili”, ötən mövsüm isə Milandakı “Cüzeppe Meatsa”da qəbul edən “Atalanta”nın doğma “Qivess” stadionunda yenidənqurma işləri tamamlanıb və avrokubok matçlarına hazırdır. UEFA da “Atalanta”ya rəqiblərini Berqamoda qonaq etmək icazəsi verib.
 
Qeyd edək ki, “Atalanta” Çempionlar Liqasının D qrupunda “Ayaks” (Niderland), “Liverpul” (İngiltərə) və “Midtülland”la (Danimarka) mübarizə aparacaq.
 

• Kvaratsxeliya "Napoli" ilə anlaşa bilmir
• "Beşiktaş"ın futbolçusu derbini buraxacaq
• Qalmaqallı "Trabzonspor" - "Fənərbaxça" matçı ilə bağlı yeni qərar
• "Mançester Siti"dən rekord
• "Mançester Yunayted"lə oyun öncəsi "Fənərbaxça"da ciddi itki