Ukrayna millisinin baş məşqçisi Aleksandr Petrakov dünya çempionatının final mərhələsinə avtomatik buraxılmaları ilə bağlı çağırışlara münasibət bildirib.

Apasport.az saytının “championat.com”a istinadən məlumatına görə, çalışdırıcı buna qarşı çıxdığını bildirib.

Petrakovun fikrincə, komandası DÇ-2022-yə vəsiqə uğrunda pley-offda mübarizə aparmalıdır: “Dünya çempionatına kiminsə hədiyyəsi ilə getmək? Andrey Yarmolenkonu dəstəkləyirəm. Biz oynamalıyıq, bu vəsiqəni özümüz almalıyıq. Şəxsən mən bu hədiyyənin əleyhinəyəm, oynamaq lazımdır. İyunda hansı tarixdə oynayacağımızı UEFA bizə bildirəcək”.

Qeyd edək ki, Ukrayna yığması pley-off mərhələsinin yarımfinalında Şotlandiya ilə qarşılaşacaq. Bu cütün qalibi finalda Uelsə rəqib olacaq.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu