İngiltərənin “Liverpul” klubunun heyətinin qiyməti artmaqda davam edir.
Apasport.az saytının məlumatına görə, məşhur “Forbes” nəşri hazırkı heyətinin dəyərinin 2,15 milyard avro olduğunu açıqlayıb.
Almaniyalı baş məşqçi Yurgen Kloppun vəzifəyə təyin olunduğu vaxtda isə bu rəqəm cəmi 423 milyon avro idi. 2015-ci ilin oktyabrından indiyədək olan müddətdə heyətin qiyməti 5 dəfədən də çox – 508 faiz artıb.
Nümunə kimi Endryu Robertson göstərilir. 2017-ci ildə 9,4 milyon avroya transfer olunan şotlandiyalının indiki dəyəri 80 milyonla ölçülür. Y.Kloppun dövründə oynamağa başlayan Trent Aleksander-Arnoldun qiyməti isə 110 milyon avro ilə dəyərləndirilir.
Qeyd edək ki, Çempionlar Liqasının son qalibi Premyer Liqanın cari mövsümündə 14 xallıq üstünlüklə liderdir.
Oxşar xəbərlər
Ana səhifə
Bütün xəbərlər
Hesabım