“Fənərbaxça” gənc futbolçusu Arda Gülerin transfer hüququna tam yiyələnmək istəyir.

Apasport.az saytının məlumatına görə, İstanbul klubu bununla bağlı danışıqları intensivləşdirib.

“Gənclərbirliyi” 17 yaşlı yarımmüdafiəçini 2019-cu ildə 200 min avroya “Fənərbaxça”ya satdığı zaman müqaviləyə növbəti satışdan 20 faizlik gəlir bəndi qoydurub. “Sarı-lacivərdlilər” həmin bəndin ləğvi üçün Ankara təmsilçisi ilə danışıq aparır. Paytaxt klubu bunun üçün qarşı tərəfdən 2 milyon avro tələb edib.

Qeyd edək ki, Avropanın bir neçə nəhəng klubunun maraq dairəsində olan Arda Güler üçün “Fənərbaxça” astronomik məbləğdə gəlir əldə etmək niyyətindədir.
 

• “Yuventus”dan yeni transfer - RƏSMİ
• “Mançester Siti” Enzo Fernandezdən əl çəkmir – Danışıqlar yenidən başlayır
• Kanselo “Barselona”ya qayıdır – Portuqaliyalı İspaniyada
• Qakpo “Liverpul”u tərk edir – “Tottenhem”lə razılaşdı
• Rodrinin əvəzləyicisi tapıldı – “Mançester Siti” 18 yaşlı ulduzu transfer edir