"Real Sosyedad"ın və Yaponiya millisinin hücumameyilli yarımmüdafiəçisi Takefusa Kubo İngiltərə Premyer Liqasına keçə bilər.

Apasport.az xəbər verir ki, bu barədə “Todofichajes” məlumat yayıb.

Mənbənin məlumatına görə, "Arsenal" yaponiyalı yarımmüdafiəçini transfer etməkdə maraqlıdır. Kubonun transfer qiyməti 60 milyon avro olaraq qiymətləndirilir.

Tərəflər arasında mövcud müqavilə 2029-cu ilin iyunun sonunda başa çatacaq. O, 2022-ci ilin yayından "Real Sosyedad"ın şərəfini qoruyur. İspaniya çempionatının cari mövsümündə Takefusa 28 oyun keçirib, 7 qol vurub və 3 məhsuldar ötürmə edib.