Ingiltərə Premyer Liqasının "Totenhem" – "Arsenal" oyunundan (0:2) sonra insident yaşanıb.

Apasport.az xəbər verir ki, "Arsenal"ın qapıçısı Aaron Ramsdeyllə meydan sahibinin braziliyalı hücumçusu Rişarlison arasındakı mübahisəyə "Totenhem" fanatlarından biri də qoşulub.

Belə ki, əzəli rəqibə məğlubiyyətlə barışmayan həmin fanat mühafizəçilərin diqqətindən yayınaraq aşağı tribunaya kimi düşüb və Ramsdeylə zərbə vurub. Bundan sonra vəziyyət gərginləşib. Ramsdeyl və Qranit Cakanı baş məşqçi Mikel Arteta oradan uzaqlaşdırıb. Gözlənilir ki, həmin azarkeşin mövsümlük bileti cəza olaraq əlindən alınsın.

Qeyd edək ki, "Arsenal" sonuncu dəfə "Totenhem"i ev və səfərdə elə Mikel Artetanın oynadığı 2013/2014 mövsümündə məğlub edə bilmişdi. Arteta məşqçi kimi də bu uğuru təkrarlayıb.

• “Qalatasaray” milli fasilədə yoxlama matçı keçirəcək
• De Xea “Mançester Siti”yə yenə söz atdı: “Deməli, yenidən danışırıq...”
• 114 ittiham üzrə günahkar bilindi - “Mançester Siti” satıla bilər
• “Məlumatların silinməsi iddiası yalandır” - TFF-dən açıqlama
• Klubsuz qalan İkardi: “Mənim artıq hər şeyim var”