Belçika millisinin hücumçusu Dris Mertens Türkiyədə çıxış edə bilər.

Apasport.az saytının məlumatına görə, “Qalatasaray” ulduz futbolçunu heyətinə qatmağa yaxındır.

İstanbul təmsilçisi 35 yaşlı forvardla anlaşmaq üçün təklifi yeniləyib. “Cim-bom” onunla 4 milyon avroluq maaş olmaqla 1 illik müqavilə imzalamaq niyyətindədir. Razılıq əldə olunarsa, sözləşmənin daha bir il uzadılması bəndi də yer alacaq.

Qeyd edək ki, Dris Merten “Napoli”dən ayrıldığı üçün hazırda azad agentdir.