Çempionlar Liqasının II təsnifat mərhələsinin ilk oyunu çərçivəsində keçirilən “Kukesi” - “Qarabağ” matçı Azərbaycan çempionunun futbolçusu Maksim Medvedev üçün əlamətdar olub. Apasport.az saytının məlumatına görə, görüşə start heyətində başlayan 29 yaşlı müdafiəçi avrokuboklarda 70-ci matçını keçirib.
Arxa xətt oyunçusu indiyədək qitə kuboklarında 69 qarşılaşmaya çıxıb. Medvedev bütün görüşləri eyni komandada – “Qarabağ”da keçirib. Müdafiəçi Azərbaycanda eyni klubla ən çox avrokubok matçı keçirən oyunçu ünvanına da sahibdi.
Maksim qol hesabını açmadığı qitə miqyaslı yarışlarda iki turnirdə çıxış edib. O, Çempionlar Liqasında 22, Avropa Liqasında 47 matç keçirib.
Qeyd edək ki, müdafiəçi avrokuboklarda 9 il öncə debüt edib. Onun ilk görüşü 2009-cu il iyulun 16-da Norveçdə yerli “Rusenborq”a qarşı olub – 0:0.
Oxşar xəbərlər
Ana səhifə
Bütün xəbərlər