Avropa Liqasının qrup mərhələsində II dövrə start götürüb.

Apasport.az saytının məlumatına görə, İ qrupunda keçirdiyi hər dörd qarşılaşmada uduzan “Qarabağ”ın xal həsrəti davam edib.

Ağdam təmsilçisi qrup mərhələsində xal toplamayan 5 komandadan biridir. 48 iştirakçıdan yalnız beşi hər dörd görüşdə uduzub.

İsraildə Təl-Əviv “Makkabi”sinə 0:1, Türkiyədə İspaniya “Vilyarreal”ına 1:3, yerli “Sivasspor”a 0:2 və 2:3 hesabı ilə uduzan Qurban Qurbanovun yetirmələri bu görüşlərdə 3 qol vurub, 9-nu buraxıb. Təmsilçimiz xalı olmayanlar arasında top fərqinə görə 1-cidir.

IV turda “Zarya” (Ukrayna) və “Standard” (Belçika) ilk xallarını qazanaraq bu siyahıdan çıxmağı bacarıblar. “Qarabağ” isə “Dandolk”, “Riyeka”, “Gent” və “Lüdoqorets”lə birlikdə turnirin ən zəiflərindəndir. Azərbaycan çempionu ümumi göstəricilərinə görə 48 komanda arasında 44-cüdür.

• “Qarabağ”ın sabiq futbolçusu Şotlandiyada ayın yaxşısı seçildi
• Çağlar Söyüncünün yeni klubu bəlli oldu – “Çorum”la razılaşdı
• “Başakşehir” – “Qalatasaray” matçına avstriyalı VAR hakimi
• “Fənərbaxça”dan müdafiəyə yeni həmlə – Adil Demirbağ üçün rəsmi təklif
• “Roma” Ostervolde "dəftərini bağlamayıb" – Yanvarı gözləyirlər