"Qalatasaray"ın radarında olanlar
25.11.2022 - 00:00
"Qalatasaray"ın radarında olanlar

"Qalatasaray" qışda heyətini mərkəz müdafiəçisi ilə gücləndirmək istəyir.

Apasport.az saytı Türkiyə mətbuatına istinadən xəbər verir ki, İstanbul təmsilçisi artıq hədəflərini müəyyənləşdirib.

"Cim-Bom"un radarında 2 türk stoper var. 

Bunlar icarə əsasında "Valensiya"da çıxış edən Cenk Özkaçar və "Adana Demirspor"lu Samet Akaydındır.

Daha əvvəl "Sassuolo"nun müdafiəçisi Kaan Ayhanla maraqlanan "sarı-qırmızılar" maliyyə məsələsi və oyunçunun performansındakı geriləməyə görə bu keçiddən imtina edib.

Qeyd edək ki, müqavilə ilə "Lyon"a məxsus olan Cenk Özkaçar "yarasalar"ın formasını cəmi 3 matçda geyinib. 28 yaşlı Samet Akaydın isə bu mövsüm Super Liqada 13 görüş keçirib və 1 qol vurub.

0