İspaniya La Liqasında 34-cü turun oyunları keçirilir.

Apasport.az xəbər verir ki, bu gün daha 4 oyun baş tutub.

“Real” evdə “Kadis”ə 3:0 hesabı qalib gəlib və xalını 87-yə çatdırıb. 2-ci yerdə qərarlaşan "Barselona"nın 2:4 hesabı ilə "Jirona"ya məğlub olmasından sonra "kral klubu" La Liqada çempionluğunu təmin edib.

Beləliklə, “Real” tarixində 36-cı dəfə İspaniya çempionu olub. 

"Real Sosyedad" – "Las Palmas" 2:0
Qollar: A.Suares, 33-öz qapısına. Bekker, 45+1.

"Real" – "Kadis" 3:0
Qollar: B.Dias, 51. Bellingem, 68. Xoselu, 90+3.

"Jirona" – "Barselona" 4:2
Qollar: Dovbik, 4. Portu, 65; 74. Qutyerres, 67 – Kristensen, 3. Levandovski, 45+1.

"Malyorka" – "Atletiko" 0:1
Qol: Rikelme, 5.