Türkiyədə baş verən zəlzələyə futbol klubları da biganə qalmayıb.

Apasport.az saytının məlumatına görə, əksər dünya klubları kimi “Real” da bu yöndə addımlar atmağı planlaşdırır.

Madrid klubu zəlzələdən zərər çəkmiş insanlara yardım məqsədilə xeyriyyə oyunu keçirməyə qərar verib. Dəstək xarakterli matç İspaniya paytaxtında təşkil olunacaq. Görüşün “Real” və ya “Atletiko”nun stadionunda keçirilməsi ilə bağlı danışıqlar aparılır. 

Bir vaxtlar həm “Real”, həm də Türkiyə Super Liqasında oynamış ulduzlar Roberto Karlos və Quti də bu xeyriyyə matçında iştirak edəcək. Onların qonaq qismində dəvət alacağı, yoxsa veteran kimi meydana çıxacağı dəqiqləşməyib. Görüşlə bağlı “Atletiko”, “Rayo Valyekano” və “Xetafe” ilə də danışıqlar aparılır.
 

• De Xea “Mançester Siti”yə yenə söz atdı: “Deməli, yenidən danışırıq...”
• 114 ittiham üzrə günahkar bilindi - “Mançester Siti” satıla bilər
• “Məlumatların silinməsi iddiası yalandır” - TFF-dən açıqlama
• Klubsuz qalan İkardi: “Mənim artıq hər şeyim var”
• İsmail Kartaldan çempionluq mesajı – Asensio qayıdır