Səudiyyə Ərəbistanının "Əl-Nəsr" klubunun forvardı Kriştiano Ronaldo 2 oyunluq diskvalifikasiya ilə üz-üzədir.

Apasport.az xarici KİV-ə istinadla xəbər verir ki, buna portuqaliyalı ulduz futbolçunun ölkə kubokunun yarımfinalında qarşılaşdıqları “Əl-Hilal” ilə matçın 86-cı dəqiqəsində rəqibini dirsəklə vurması səbəb olub.

Qeyd edək ki, 39 yaşlı oyunçu bu mövsüm meydana çıxdığı 37 oyunda 36 qol vurub, 12 məhsuldar ötürmə ilə yadda qalıb.