Türkiyə Super Liqasının klublarından "Trabzonspor" transfer məsələsində "Beşiktaş"a rəqib olub.

Apasport.az xəbər verir ki, türk klublarının transferdə qarşı-qarşıya gəldiyini iddia edilir.

Hər iki komanda İngiltərənin "Arsenal" klubunun futbolçusu Sedrik Soareşlə yaxından maraqlanır. Super Liqa təmsilçiləri oyunçunu yanvarda kluba cəlb etmək istəyir. Türkiyəlilər portuqaliyalı müdafiəçinin transferini yaxın günlərdə yekunlaşdırmaq niyyətindədir. 

Qeyd edək ki, 32 yaşlı Sedrik İngiltərənin "Fulhem", İtaliyanın "İnter" klublarında çıxış edib.