Süper Liqa təmsilçilərindən "Qalatasaray"ın forvardı Barış Alper Yılmaz Avropa klublarının radarındadır.

Apasport.az "Hürriyet" nəşrinə istinadla xəbər verir ki, Premyer Liqa klublarından “Vest Hem” Türkiyə millisinin hücumçusu üçün “Qalatasaray”a 25+5 milyon avro təklif edib.

İstanbul klubu bu təklifi də məqsədəuyğun saymayıb və rədd edib. 

Barış Alperlə "Everton", "Aston Villa", "Nyukasl Yunayted" və "Latsio" kimi klublar da maraqlanır. 

Qış "transfer pəncərəsi"ndə futbolçusunu buraxmaq istəməyən "cimbom" Barış üçün daha yüksək təkliflər gözləyir.

2027-ci ilin iyununa qədər "cimbom"la müqaviləsi olan Barış Alper Yılmaz bu mövsüm 28 matçda forma geyinib. 24 yaşlı futbolçu bu matçlarda 11 qol, 1 məhsuldar ötürmə ilə yadda qalıb.

• Millimizin rəqibində yeni baş məşqçi
• "Trabzonspor" bu mövsüm ilk dəfə bunu bacardı
• Premyer Liqa: "Çelsi" uğursuz seriyaya son qoyub
• "Qalatasaray"dan Asensio bombası
• Okan Burukun istədiyi hücumçu Bundesliqa klubuna keçir