Topaz Premyer Liqasının autsayderi “Sumqayıt”ın qələbə həsrəti başa çatıb. Apasport.az saytının məlumatına görə, Aqil Məmmədovun yetirmələri XXVIII turda AZAL-ı 2:1 hesabı ilə məğlub edib. Bununla da sumqayıtlıların 33 günlük qələbə həsrəti başa çatıb.

“Gənclik şəhəri” təmsilçisi sonuncu dəfə fevralın 23-də “Neftçi” ilə ev oyununda qalib gəlmişdi – 2:0. XXIII turun matçından sonra 4 oyundur qələbə ilə yanaşı, qola da həsrət olan “Sumqayıt” bu müddətdə yalnız 1 xal qazanmışdı. Son 3 turda məğlub olan komanda martda xal üzü görməmişdi. XXIV turun fevralın 28-də “Bakı” ilə keçirilən və qolsuz başa çatan matç sumqayıtlıların son xalı idi.
 

• “Fənərbaxça”da ayrılıq - RƏSMİ
• Talişka BƏƏ klubunda - RƏSMİ
• “Qarabağ”ın sabiq futbolçusu Şotlandiyada ayın yaxşısı seçildi
• Çağlar Söyüncünün yeni klubu bəlli oldu – “Çorum”la razılaşdı
• “Başakşehir” – “Qalatasaray” matçına avstriyalı VAR hakimi