“Qarabağ” futbol klubu “Bakı”yla oyuna hazırlaşır. Apasport.az saytının məlumatına görə, premyerliqanın XXV turunda paytaxt klubunu qəbul edəcək “Qarabağ” bu gün məşqə çıxıb.

Tofiq Bəhramov adına Respublika stadionunda baş tutan məşq 16:30-da start götürüb. Məşqdə milli komandalarımızdan dönən futbolçular da iştirak edib. “Qarabağ” sabah bir məşqlə “Bakı”yla oyunun hazırlıqlarını tamamlayacaq.
 

Qeyd edək ki, “Qarabağ” – “Bakı” oyunu martın 9-u T. Bəhramov adına Respublika stadionunda saat 18:00-da keçiriləcək.