Vergidən yayındığına görə barəsində uzun müddətli həbs qərarı çıxarılan “Bavariya” futbol klubunun keçmiş prezidenti Uli Hennesin yerinə yeni şəxs seçilib. Apasport.az saytının məlumatına görə, bu posta indiyə kimi klubun vitse-prezidenti olan Karl Hopfner gətirilib.

“Bavariya”nın növbədənkənar konfransına qatılan 1593 nümayəndədən 1587 nəfəri Hopfnerin namizədliyini dəstəkləyib. Hopfnerin yerinə vitse-prezident postuna isə Rudolf Şhels seçilib.

99,6 faiz səs toplayaraq “Bavariya”nın prezidenti seçilən Hopfner Uli Hennesin ünvanına xoş sözlər deyib: “Hennes “Bavariya”nın beyni, qəlbi və ruhudur”.

Qeyd edək ki, “Bavariya”da prezidenti normal halda 4 illiyə seçilsə də, Hopfner 2 il müddətinə seçilib.

• La Liqa: “Real” “Betis” səfərindən xalsız qayıdır
• PSJ-də müqavilə yağışı
• UEFA-dan “Fənərbaxça” futbolçularına cəza - “Roma”matçında iştirak edə biləcək
• “Beşiktaş”dan yeni transfer
• “Fənərbaxça”da ayrılıq - RƏSMİ