“İnter” “Şəmkir”lə “Qarabağ”ın uğurunu təkrarladı

24.07.2015 - 11:58

“İnter” avrokuboklarda mərhələni əlavə vaxtdakı qolla adlayan 3-cü Azərbaycan klubudu. Apasport.az saytının məlumatına görə, bakılılar Avropa Liqasının II təsnifat mərhələsinin cavab oyununda İslandiya “Hafnarfyordur”unu əlavə vaxtda keçib.

Səfərdə 2:1 hesabı ilə qalib gəlib, evdə 90 dəqiqəni eyni hesabla uduzan “İnter” əlavə vatda hesabı bərabərləşdirib – 2:2. Bununla da bakılılar “Şəmkir” və “Qarabağ”ın ardından əlavə vaxtda sevinən 3-cü təmsilçimiz olub.

Ümumiyyətlə isə indiyədək 7 dəfə klublarımızın oyununun taleyini əlavə vaxt həll edib. Bunların 3-də komandalarımız, 4-də rəqiblərimiz qalib gəlib. Əlavə vaxta ehtiyac duyulduğu digər qarşılaşmalar isə penaltilər seriyasına qədər uzanıb.

mövsüm	turnir	cüt	ilk oyun	cavab oyunu
1996/97	Kuboklar kuboku	Qarabağ – MüPa (Finlandiya)	0:1	1:1
2000/01	Çempionlar Liqası	Skonto (Latviya) – Şəmkir	2:1	1:4
2006/07	UEFA kuboku	Zimbru (Moldova) - Qarabağ	1:1	2:1
2007/08	Çempionlar Liqası	Xəzər-Lənkəran – Dinamo (Zaqreb, Xorvatiya)	1:1	1:3
2013/14	Çempionlar Liqası	Neftçi – Skenderbeu (Albaniya)	0:0	0:1
2013/14	Avropa Liqası	Qarabağ – Pyast (Polşa)	2:1	2:2
2015/16	Avropa Liqası	Hafnarfyordur (İslandiya) – İnter	1:2	2:2