Avropanın daha bir ölkəsində çempionun adı bəlli olub. Apasport.az saytının məlumatına görə, Albaniya çempionatı başa çatmamış “Skenderbeu” klubu ötən mövsüm qazandığı titulu qoruyub.
2013-cü ilin yayında “Neftçi”ni əlavə vaxtda vurulan qolla (0:0, 1:0) Çempionlar Liqasının II təsnifat mərhələsindən kənarlaşdıran komanda finişə 1 tur qalmış qızıl medalları təmin edib. Ehtiyatda 1 oyunu da olan “Skenderbeu” XXXII turda öz meydanında “Kukesi” ilə 3:3 etməklə xal hesabını 58-ə çatdırıb. Bununla, çempion 32 oyuna 54 xal toplayan “Kukesi” üçün əlçatmaz olub.
Qeyd edək ki, ardıcıl 4-cü, ümumilikdə 5-ci çempionluğunu qeyd edən Korça təmsilçisi yenə Çempionlar Liqasına II təsnifat mərhələsindən başlayacaq. Bu isə onların yenə Azərbaycan təmsilçisinə, böyük ehtimalla “Qarabağ”a potensial rəqib olması deməkdir.
Oxşar xəbərlər
Ana səhifə
Bütün xəbərlər