“Qarabağ”ın Avropa Liqasındakı rəqibi “Tottenhem” transfer siyahısını genişləndirir. Apasport.az saytının İngiltərə mətbuatına istinadən məlumatına görə, London klubu yenə Belçika “bazar"ına üz tutub.

“Tottenhem” rəsmiləri Çempionlar Liqasının qrup mərhələsi çərçivəsində dünən keçirilən “Gent” – “Valensiya” (1:0) oyununu izləyib və meydan sahiblərinin iki oyunçusunu bəyəniblər. Belçika millisinin hücumçusu Loran Depoytr və Nigeriya yığmasının yarımmüdafiəçisi Mozes Saymon baxımlı oyunu ilə ingilislərin maraq dairəsinə düşüb.

Maraqlıdı ki, “Sauthempton”, “Mançester Yunayted” və “Mançester Siti”nin skautları da həmin görüşü canlı izləyiblər. Onlar isə daha çox “Valensiya”nın müdafiəçiləri Şkodran Mustafi, Xose Qaya və yarımmüdafiəçisi Andre Qomeşi bəyəniblər.

Qeyd edək ki, hazırda “Tottenhem”in heyətində Belçika millisinin 4 üzvü (Tobi Alderveyreld, Yan Vertongen, Musa Dembele, Naser Çadli) çıxış edir.

• Klopp ilk ev oyununda uduzdu – Məsuliyyəti üzərinə götürdü
• İlkay Gündoğan “Qalatasaray”da xoşbəxt deyil – Yanvarda qərar verəcək
• Messi rekordun bir addımlığında – 76-cı cərimə zərbəsi qolu - VİDEO
• İsveç millisində ciddi itki - YIĞMANIN DÜŞƏRGƏSİNDƏN AYRILDI
• Yığmamızın oyunu norveçlilərə həvalə olunub