“Qəbələ” cari mövsüm “Xəzər Lənkəran”la 5-ci qarşılaşmasını keçirmiş oldu. Apasport.az saytının məlumatına görə, buna qədər cəmi 1 matçda qələbə qazanan “qırmızı-qaralar” ölkə kubokunun yarımfinal mərhələsinin ilk görüşündə qalib gəlməklə balansda bərabərlik yaratdı.

İndi “Qəbələ” ilə “Xəzər Lənkəran”ın balansı belədir: 2 qələbə, 1 heç-heçə və 2 məğlubiyyət. Ancaq dünən keçirilən matç top fərqində olan bərabərliyi pozmuş oldu. Belə ki, “Qəbələ” “Xəzər Lənkəran”a böyük hesabla qalib gəlməklə bu baxımdan üstün durumdadır – 7:4.

Tərəflərin cari mövsümkü duellərində ən məhsuldar futbolçu isə dəyişməz qalıb. “Xəzər Lənkəran”ın kamerunlu hücumçusu Mbilla Etame 3 qolla ən çox qol vuran oyunçudur. Onu izləyənlər isə dubl etmiş “Qəbələ”lilər – Daniyel Subotiçlə Nizami Hacıyevdir.

V tur
31.08.2013 “Qəbələ” – “Xəzər Lənkəran” 2:0
Leonardo, Lorentso Ebesilio

XIII tur
10.11.2013 “Xəzər Lənkəran” – “Qəbələ” 0:0

XXI tur
15.02.2014 “Qəbələ” – “Xəzər Lənkəran” 2:3
Daniyel Subotiç (2) – Sadio Tunkara, Mbilla Etame (2)

XXIX tur
05.04.2014 “Xəzər Lənkəran” – “Qəbələ” 1:0
Mbilla Etame

Azərbaycan kuboku, 1/2 final, ilk oyun
16.04.2014 “Qəbələ” – “Xəzər Lənkəran” 3:0
Nizami Hacıyev (2), Viktor Mendi