Bu gün Topaz Premyer Liqasının II turunda AZAL-ın qonağı olacaq “Qəbələ” uğurlu seriyalarını davam etdirməyə çalışacaq. Apasport.az saytının məlumatına görə, əyalət klubu qollu və məğlubiyyətsiz seriyaları ilə ötən mövsümdən diqqət çəkir.

“Qırmızı-qaralar” artıq 13 oyundu uduzmur. “Qəbələ” sonuncu dəfə fevralın 15-də “Neftçi”ylə ev oyununda 1:3 hesabı ilə yenilib.

Roman Qriqorçukun yetirmələri bu müddətdə 10 qələbə qazanıb və 3 heç-heçə edib. Son 13 görüşdə qazanılan 34 xalı artırmaq iddiasında olan əyalət Qəbələnin eyniadlı klubu son 14 matçda meydanı qolsuz tərk etməyib.

Fevralın 10-da səfərdə “Simurq”a 0:2 hesabı ilə uduzan “qırmızı-qaralar” son 14 görüşdə 27 dəfə rəqib qapısına yol tapıb. Bu seriyanı yubiley həddə - 15-ə çatdırmaq üçün AZAl-la səfər oyununda qonaqların qolu qeydə alınmalıdı.

• İtalianodan Türkiyə etirafı: “Özümü 90-cı illərin İtaliyasında hiss edirəm”
• Günün canlı yayımlanacaq matçları - TV AFİŞA
• Eriksen Almaniya klubundan ayrıldı - RƏSMİ
• Frankulinyonun "astarı üzündən baha gəldi" – “Trabzonspor” 25 milyon ödəyəcək
• “Barselona”nın 14 yaşlı yeni "qol maşını" – 30 oyunda 96 qol