“Qəbələ”nin Hollandiyadakı rəqibləri müəyyənləşdi

17.07.2014 - 08:08

Hollandiyanın Arnem bölgəsində növbəti mövsümün hazırlıqlarını davam etdirən "Qəbələ"nin toplanış çərçivəsində sınaq oyunlarında qarşılaşacağı bütün rəqibləri müəyyənləşib. Apasport.az saytının məlumatına görə, "qırmızı-qaralar" “zambaqlar ölkəsi”ndə 4 matçda qüvvəsini sınayacaq.

Dorinel Muntyanunun yetirmələrinin rəqiblərindən üçü yerli klublardır. “Qəbələ” iyulun 17-də "Arnem", 20-də "Alkmaar", 26-da - "Herenven"lə görüşəcək. Ayın 23-dəki 3-cü qarşılaşmada isə əyalət təmsilçisi "Konyaspor"la (Türkiyə) üz-üzə gələcək.

Xatırladaq ki, "Qəbələ" iyulun 27-də Hollandiya toplanışını yekunlaşdıraraq vətənə dönəcək.