“Tiraspol” klubunun futbolçusu Georgi Karaneyçev Moldova mətbuatına müsahibə verib. Apasport.az saytının məlumatına görə, bolqarıstanlı hücumçu Avropa Liqasının I təsnifat mərhələsinin Bakı “İnter”i ilə oyunları haqda danışıb.
- İlk oyundakı 2:3 hesablı məğlubiyyəti nə ilə izah edərdiz?
- Bilmirəm. Yalnız onu dərk edirəm ki, hamı məyusdur. Uduzmaq istəmirdik. Belə olacağına inanmırdıq. Amma sonda belə alındı.
- “İnter” “Tiraspol”u hansı oyun komponentlərində üstələdi?
- İlk 10 dəqiqədəki 2 qolda. Bundan sonra biz təzyiq altında oynadıq. Düzünü deyim ki, bunu gözləmirdim.
- Bakılılar qələbəyə layiq idi?
- Mənə elə gəlir ki, onların bəxti gətirdi. Daha 10 dəqiqə vaxtımız olsaydı, hesabı bərabərləşdirərdik.
- Səfərdə “İnter”ə qalib gələ biləcəyinizi düşünürsünüz?
- Niyə də olmasın ki? Bu, futboldur. İstənilən nəticə qeydə alına bilər.
- Cavab oyununda şanslarınızı necə qiymətləndirirsiniz?
- Bakıya qələbə üçün gedəcəyik. Məqsədimiz mərhələ keçməkdi. Bunun üçün şanslarımız da pis deyil.
Mənbə: moldova.sports.md
Oxşar xəbərlər
Ana səhifə
Bütün xəbərlər