Sabah Azərbaycan kubokunda yarımfinal mərhələsinə start veriləcək. Apasport.az saytının məlumatına görə, saat 16:00-da baş tutacaq ilk oyununda “Xəzər Lənkəran” səfərdə “Qəbələ” ilə görüşəcək.

Tarixində 8-ci dəfə yarımfinala yüksələn “ağ-yaşıllar” bu mərhələdə 15-ci oyununu keçirəcək. 10 illik tarixində yalnız iki dəfə (2008/09 və 2011/12) yarımfinala çıxa bilməyən komanda finalın 1 addımlığında da eyni sayda dayanıb. 2004/05 və 2005/06 mövsümlərində yarımfinalda yarışla vidalaşan “Xəzər Lənkəran” sonrakı 8 ildə bu mərhələdə yoluna davam edib. Belə ki, son 5 yarımfinalda komanda mərhələni uğurla adlayıb.

Ardıcıl 2-ci dəfə finala çıxmaq üçün mübarizə aparan “Xəzər Lənkəran” əvvəllər də “Qəbələ”ni kubokda sınağa çəkib. 6 il əvvəl də yolları yarımfinalda kəsişən komandaların duelində “ağ-yaşıllar” səfər qələbəsi ilə finala yüksəlmişdi.

Ümumilikdə isə Lənkəran təmsilçisi yarımfinalda keçirdiyi 14 oyunun yarısında – 7 dəfə qalib gəlib. 3 heç-heçəsi olan komanda 4 dəfə uduzub. Yarımfinalda 16 qol vuran “Xəzər Lənkəran” 13 top buraxıb.

Mənbə: lankaranfc.com

• La Liqa: “Real” “Betis” səfərindən xalsız qayıdır
• PSJ-də müqavilə yağışı
• UEFA-dan “Fənərbaxça” futbolçularına cəza - “Roma”matçında iştirak edə biləcək
• “Beşiktaş”dan yeni transfer
• “Fənərbaxça”da ayrılıq - RƏSMİ