Mario Balotelli klubunu dəyişə bilər. Apasport.az saytının məlumatına görə, bu barədə onun agenti Mino Rayola açıqlama verib.

O bildirib ki, müştərisi ilə İngiltərə və İtaliya klubları maraqlanır: “Mario İtaliyaya qayıtmağa hazırdı. Balotelli hazırda dünyanın 10 ən yaxşı hücumçusundan biridir. İtaliyalıların arasında isə №1-di. Hazırda onun azad agent kimi keçidi haqqında söhbət getsə də, Marionun dəyəri 100 milyon avrodur. Artıq İtaliya və İngiltərədən bir neçə klubla danışıq aparıram. Onların arasında “Yuventus”, “Roma”, “Napoli” və “İnter” də var”.

Qeyd edək ki, Balotellinin “Nitsa” ilə hazırkı müqaviləsi mövsümün sonunda başa çatacaq.

• Obameyanqa göz dəydi – Əməliyyat olunacaq
• İtalianodan Türkiyə etirafı: “Özümü 90-cı illərin İtaliyasında hiss edirəm”
• Günün canlı yayımlanacaq matçları - TV AFİŞA
• Eriksen Almaniya klubundan ayrıldı - RƏSMİ
• Frankulinyonun "astarı üzündən baha gəldi" – “Trabzonspor” 25 milyon ödəyəcək