“13-14 il qabaq Azərbaycanda olmuşdum. O vaxtla müqayisədə ölkəniz, paytaxtınız çox dəyişib”. Apasport.az saytının məlumatına görə, bu sözləri “Çukariçki” komandasının kapitanı İqor Matiç deyib.

Avropa Liqasının II təsnifat mərhələsi çərçivəsində sabah keçiriləcək “Qəbələ” – “Çukariçki” matçından öncə mətbuat konfranslı keçirilib. Mətbuat konfransında qonaqların baş məşqçisi ilə yanaşı, kapitanı da iştirak edib.

Matiç qeyd edib ki, sabah da qələbə qazanmağa çalışacaqlar:

“Sabah fərqli oyun olacaq. “Qəbələ” güclü komandadı. Heyətində bahalı futbolçular çıxış edir. Bizi çox çətin oyun gözləyir. Buna baxmayaraq, ilk matçdakı nəticəmiz göz önündədi. Belqradda 1:0 hesabı ilə qalib gəlmişik. Sabahkı matçda da bizim qələbə qazanmağımız gözlənilir”.

Serbiyalı futbolçu “Qəbələ” haqda müsbət fikirlər səsləndirib: “Belqradda olanlar orda qaldı. Artıq sabahkı oyunu düşünməliyik. “Qəbələ”nin heyəti güclü futbolçulardan formalaşıb. Bizi fərqli oyun gözləyir”.

• “Qalatasaray”a Osimhen müjdəsi – Qayıdacağı tarix bəlli oldu
• “Mançester Yunayted” Premyer Liqadan müdafiəçi seçdi
• “Mançester Yunayted” Premyer Liqada sonuncudur – Şok statistika
• Zidan Fransa millisində ilk məşqini keçirdi – Debüt Türkiyəyə qarşı olacaq
• Şeşko yenidən zədələndi – MİLLİNİN DÜŞƏRGƏSİNİ TƏRK ETDİ