Onun Bakı Hava Limanında saxlanıldığı bildirilir
"Bakı" klubunun prezidenti, məşhur iş adamı Hafiz Məmmədov (Hafka) ölkədən çıxmaq istəyərkən saxlanılıb. Apasport.az saytının xəbərinə görə, bu barədə qaynar.info-ya etibarlı mənbədən məlumat daxil olub.
Mənbə bildirib ki, Hafiz Məmmədov ölkəni tərk etmək istəyərkən hüquq-mühafizə orqanları tərəfindən Bakı Hava Limanında saxlanılıb. Onun konkret hansı səbəbdən saxlandığı bəlli deyil. Hazırda onun nəzarətdə olduğu və sorğu-suala çəkildiyi bildirilir.
Daxili İşlər Nazirliyinin mətbuat xidmətinin sözçüsü Orxan Mansurzadə qaynar.info-ya bu barədə məlumatı olmadığını bildirib.
Xatırladaq ki, "Bakı"nın sahibi Hafiz Məmmədovun adı son günlər qalmaqallarda halanırdı. Belə ki, "Baghlan Group"-un prezidentinin biznes fəaliyyətindəki "axsamalar", ölkədə ən güclü futbol klublarından biri hesab olunan "Bakı" futbol klubunun bazasının satışa çıxarılması, "Bank of Azerbaijan" ətrafında yaranan böhran medianın gündəmindən düşmürdü.
Oxşar xəbərlər
Ana səhifə
Bütün xəbərlər