Topaz Premyer Liqasının XX turu çərçivəsində bu gün “Xəzər Lənkəran”la qarşılaşacaq “İnter” səfərə ciddi itkilərlə yollanıb. Apasport.az saytının məlumatına görə, “bankirlər”in xüsusən də, müdafiə xətti ilə bağlı problemləri var.

Antalya toplanışı zamanı zədələnən sol cinah müdafiəçisi Aleksandr Amisulaşvili Lənkəran səfərində də komandasına kömək edə bilməyəcək. Dörd sarı vərəqə limitini dolduran mərkəz müdafiəçisi Yohan Bokonyano da bugünkü görüşü buraxacaq. Son transfer Vojislav Stankoviç isə hələ PFL-ə təqdim edilmədiyindən, serbiyalı müdafiəçinin debütü yubanacaq.

Qeyd edək ki, “Xəzər Lənkəran” – “İnter” oyunu saat 17:00-da başlayacaq.

• Premyer Liqada ayın oyunçusu müəyyənləşib
• Vlahoviçin cəzası qüvvədə qaldı – “Erzurumspor" matçını buraxacaq
• Premyer Liqada ayın ən yaxşısı: Sergey Yakiroviç
• İngiltərə millisinin üzvü daha 5 il “Nyukasl”da
• İsmail Kartal məşqə çıxmadı - YENİLƏNİB